सम्पन्न भयाे प्रधानमन्त्री ओलीको मिर्गौला प्रत्यारोपण शल्यक्रिया

२१ फागुन, काठमाडौं । प्रधानमन्त्री केपी शर्मा ओलीको मिर्गौला प्रत्यारोपण शल्यक्रिया बुधबार दिउँसो तीन बजेतिर सम्पन्न भएको छ । त्रिवि शिक्षण अस्पताल, महारागजञ्जमा करिव ४ घन्टा लगाएर मिर्गौला प्रत्यारोपण गरिएको चिकित्सकहरुले बताएका छन् ।

मिर्गौला प्रत्यारोपणका लागि प्रधानमन्त्री ओलीलाई बिहान १० बजेर पाँच मिनेट जाँदा अप्रेशन थिएटरमा लगिएको थियो ।प्रधानमन्त्री ओलीलाई भान्जी नाता पर्ने समीक्षा संग्रौलाले मिर्गौला दिएकी हुन् । प्रत्यारोपणका लागि चार घण्टा ४५ मिनेट लागेको हो । सामान्यतया मिर्गौला प्रत्यारोपण शल्यक्रियाका लागि तीनदेखि पाँच घण्टा लाग्छ ।

उपचारमा संलग्न चिकित्कसहरुले अबको केहीबेरमै पत्रकार सम्मेलन गरेर थप जानकारी दिनेछन् । ओलीको यो दोस्रो पटक मिर्गौला प्रत्यारोपण गरिएको हो । २०६४ साउनमा भारतको एपोलो अस्पतालमा मिर्गौला प्रत्यारोपण गरिएको थियो । त्यसले राम्रोसँग काम नगरेपछि कात्तिकबाट नियमित डायलासिस गर्न थालिएको थियो ।