कोरोनाका कारण इटलीमा १० दिन विद्यालय बन्द, विश्वभरिको अवस्था कस्तो छ ?

२२ फागुन एजेन्सी । कोरोना भाइरस सङ्क्रमणको प्रकोप खेपिरहेको इटलीले बिहीवारदेखि १० दिनका लागि देशभरिका शैक्षिक संस्था बन्द गरेको छ । कोरोनाको संक्रमणबाट बच्न विद्यालय र विश्वविद्यालयहरू मार्च १५ सम्म बन्द गरिएको हो ।

कोरोना भाइरस सङ्क्रमणका कारण इटलीमा हालसम्म १०७ जनाको मृत्यु भइसकेको छ । त्यो युरोपको सबैभन्दा गम्भीर सङ्क्रमण भएको भन्दै इटलकिा प्रधानमन्त्री जुजेप्पे कोन्टेले देशको स्वास्थ्यसेवा जोखिममा रहेको बताउका छन् । देशको उत्तरी क्षेत्रमा ३,००० भन्दा बढी मानिसमा सङ्क्रमण देखिएको छ । तर इटलीका अन्य २० मध्ये १९ क्षेत्रमा पनि सङ्क्रमण फैलिएको पुष्टि भइसकेको बीबीसीले जनाएको छ ।

विश्वभरिमा झन्डै ३,२०० जनाको मृत्यु भइसकेको छ भने ९०,००० बढी मानिस सङ्क्रमित भएका छन् । विश्व स्वास्थ्य सङ्गठन (डब्ल्यूएचओ) ले हालसम्म कोरोना भाइरस सङ्क्रमणलाई विश्वव्यापी महामारीका घोषणा गरेको छैन । तर बुधवार जर्मनीका स्वास्थ्यमन्त्रीले अब उक्त भाइरस सङ्क्रमणलाई महामारीको परिभाषामा राख्न सकिने बताएका छन् ।

हेर्नुस कोरोना भाइरसबाट विश्वभरि कहाँ कति सङ्क्रमण र मृत्यु :