विश्वभर भाइरसबाट २४ हजार ८९ जनाको मृत्यु !

१४ चैत्र, एजेन्सी । विश्वव्यापी महामारीका रुपमा फैलिएको कोरोना भाइरसको संक्रमणदर झनझन आक्रामक दरले बढिरहेको छ । बितेको २४ घण्टामा मात्रै यो भाइरसका ६० हजार ६ सय ६३ जना नयाँ संक्रमित फेला परेका छन् ।

विश्वभर पाँच लाख ३२ हजार २ सय ३७ जनालाई कोरोना भाइरसकाे संक्रमण देखिएकाे छ । ती मध्ये २४ हजार ८९ जनाको मृत्यु भएको छ भने तीन लाख ८३ हजार ७ सय १७ जना उपचाररत छन्। बितेको २४ घण्टामा मात्रै २ हजार ७ सय ८८ जनाको मृत्यु भएको हो ।

उपचाररत मध्ये १९ हजार ३ सय ५७ जनाको अवस्था गम्भीर छ । हालसम्म १ लाख २४ हजार ३ सय ३१ जना उपचारपछि निको भएर घर फर्केका छन् ।