तातोपानी र रसुवागढी नाका खुल्यो

१४ चैत्र, काठमाडौं । कोरोना भाइरसको संक्रमण रोक्न सरकारले लकडाउन गरेपछि दैनिक आवश्यक सामग्रीको अभाव नहोस् भनी चीनतिरको दुई नाका आजबाट खुला भएको छ ।

आजबाट चीनसँगको रसुवाको रसुवागढी र सिन्धुपाल्चोकको तातोपानी नाका खुलाइएको जानकारी भन्सार विभागले दिएको छ । गत माघ १५ देखि मालसामान र मानिसको आवातजावत रोकिएका यी नाकाबाट आजदेखि भन्सार जाँचपास शुरु भएको छ । अहिलेलाई भने यी दुबै नाकाबाट मालसामान र सवारी आवतजावत मात्र खुला गरिने जनाइएको छ ।

चीनमा कोरोना भाइरसको संक्रमण उच्च भएकाले लामो समयदेखि यहाँ आएर अड्किएका सामानलाई डिसइन्फेक्सन स्प्रे गरेर नेपाल भित्र्याइने नीति सरकारले लिएको छ । चीनसँगका यी दुई नाका सुचारु भएपछि दैनिक उपभोग्य सामग्रीको अभाव नहुने विश्वास सरकारी पदाधिकारीको रहेको छ ।