कोरोनाको जाँचका लागि सामग्री अभाव, स्वास्थ्यकर्मी जोखिम मोलेरै उपचार गर्दै
नेपालबहस संवाददाता
चैत १७, २०७६ सोमबार १६:९:९
१७ चेत्र, ठिनी । कोरोना सङ्क्रमणको आंशकमा जाँचका लागि आउने बिरामीका लागि आवश्यक पर्ने चिकित्सकीय सामग्री नभएको स्वास्थ कार्यालय मुस्ताङले जनाएको छ ।
कार्यालय प्रमुख टीकाराम भण्डारीले भने, “हामीसँग चिकित्सकका लागि आवश्यक प्रोटेक्टेट कपडा, पिपीइ मास्कलगायत सामग्री छैनन्, अहिले हामी कोरोना भाइरसको कुनै बिरामीको उपचार तथा जाँच गर्न सक्ने अवस्थामा छैनौँ ।” हिमाली जिल्ला मुस्ताङमा उपचार सामग्री अभाव हुँदा स्वास्थ्यकर्मीले जोखिम मोलेरै उपचार गर्दै आएका छन् ।मुस्ताङका सङ्घीय सांसद प्रेमप्रसाद तुलाचनले स्वास्थ्य संस्था र स्वास्थ्यकर्मीका लागि आवश्यक सामग्री केन्द्र सरकारसँग माग गरिएको र छिट्टै जिल्लामा आउने बताए । ती सामग्री केही दिनमा आइपुग्ने उनको भनाइ छ ।
सुरक्षाकर्मी, कर्मचारी र स्थानीय जनतालाई दैनिक उपभोग्य वस्तु, पेट्रोल, डिजेल, ग्यास, मास्क, स्यानिटाइजर, पञ्जा आदिको मुस्ताङमा अभाव देखिएको सांसद तुलाचनले बताए । हालसम्म मुस्ताङमा कोरोना भाइरसका पोजेटिभ फेला नपरे पनि मुस्ताङका धेरै जनता विदेशबाट नेपाल आवतजावत गर्नु, भारतका विभिन्न क्षेत्रमा व्यपार गर्नु, आन्तरिक तथा विदेशी पर्यटकको मुस्ताङ भम्रण आदिले मुस्ताङ उच्च जोखिममा रहेको छ ।
अस्पताल तथा स्वास्थ्यचौकी हेर्ने चिकित्सक र स्वास्थ्यकर्मीलाई उपचारका लागि सुरिक्षत एप्रोन, पिपीइ र मास्क कुनै पनि उपचार सामग्रीको व्यवस्था नहुँदा जोखिम मोलेरै उपचार गर्दै आएको घरपझोङ गाउँपालिकाको स्वास्थ्य संयोजक कर्ण थकालीले जानकारी दिए । उनका अनुसार अन्य चार गाउँपालिकामा पनि उपचार सामग्री धेरै अभाव रहेको बताए ।
कोरोना भाइरसको उच्च जोखिमको सम्भावनालाई देखेर थासाङ गाउँपालिका घासास्थित जनता आधारभूत विद्यालयमा १० श्यया, घरपझोङ गाउँपालिका जोमसोमको जनहित माविमा २० श्यया, वारागुङ मुक्तिक्षेत्र गाउँपालिकाको कागबेनी र मुक्तिनाथमा छ श्यया, लोघेकर दामोदरकुण्ड गाउँपालिका चराङको युवा क्लब भवनमा आठ श्यया र लोमान्थाङ गाउँपालिकाको लोमान्थाङमा वडा कार्यालयमा १४ श्यया क्षमताको क्वारेन्टाइन स्थापना गरेको क्वारेन्टाइन व्यवस्थापन समितिका जिल्ला संयोजक एंव प्रमुख जिल्ला अधिकारी बेदप्रसाद अर्यालले बताए। हालसम्म सात जनालाई घासाको क्वारेन्टाइनमा राखेको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमापदण्ड विपरीतका स्वास्थ्य संस्थामाथि मन्त्रालयले कारबाही गर्ने
बैशाख २१, २०८१ शुक्रबार
चिकित्सक अभावले हेटौँडा अस्पतालमा थन्किए उपकरण
बैशाख १२, २०८१ बुधबार
स्वास्थ्यमन्त्री यादवले एक तह मुनिका प्रमोदलाई बनाए राष्ट्रिय ट्रमा सेन्टरको मेसु
बैशाख ७, २०८१ शुक्रबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
आगामी साता हल्कादेखि मध्यम खालको वर्षा हुने प्रक्षेपण
बैशाख २१, २०८१ शुक्रबार
नौबीसे नागढुङ्गा सडक खण्डमा धमाधम पिच सुरु
बैशाख २१, २०८१ शुक्रबार
स्थानीय तहमा अनावश्यक कर्मचारी नराख्न निर्देशन
बैशाख २१, २०८१ शुक्रबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
ट्राफिक सचेतनामा महानायक राजेश हमाल
बैशाख २१, २०८१ शुक्रबार
आगलागी प्रभावित गाउँपालिकालाई कामपाको आर्थिक सहयोग
बैशाख २१, २०८१ शुक्रबार
अछाममा बँदेलको आक्रमणबाट एक जना घाइते
बैशाख २१, २०८१ शुक्रबार
आगलागीबाट बझाङको अधिकांश भूभाग अँध्यारो
बैशाख २१, २०८१ शुक्रबार