अमेरिकामा पनि लकडाउन !

१७ चैत्र, एजेन्सी । विश्वव्यापी रुपमा महामारीको रुप लिइरहेको कोरोना भाइरस रोकथाम र नियन्त्रणका लागी वासिङ्टन डिसीमा लकडाउन लागेसंगै अमेरिकामा पनि लकडाउन भएको छ ।

अमेरिकामा लामो समयदेखि बस्दै आएकी सोमु गजमेर नेपाली नेपालबहस डटकमको कुराकानीमा भन्छिन्, “हामी घरमै छौँ, पसल र ग्यास स्टेसन खुलेका छन्, स्कुल–कलेज, होटल–रेस्टुरेन्ट बन्द छन्,”

पछिल्लोपटक न्युयोर्क, क्यालिफोर्निया, न्युजर्सी, लुसियाना लगायतका केही शहर बन्द छन् तर आन्तरिक सवारी चलेका छन् । बाह्य शहर र प्रान्तसँग भने आवागमनमा रोक लगाइएको छ । हवाई उडान यथावत् छन् । अमेरिकामा रहेका नेपालीको यकिन तथ्याङ्क छैन । जसका कारण कहाँ कति जोखिममा छन्, पत्ता लाग्न सकेको छैन । करिब दुई लाख रहेको अनुमान छ ।

शुक्रबार मात्र अमेरिकी राष्ट्रपति डोनाल्ड ट्रम्पले राहत प्याकेजको प्रस्तावमा सही गरेको जानकारी ट्विटरमा दिएका थिए । ढिलै भए पनि अमेरिकी सरकारले राहत रकम घोषणा गर्नुलाई सकारात्मक मानिएको छ । अहिले कोरोना भाइरसबाट विश्वभर ७ लाख ४२ हजार सङ्क्रमित भएका छन् । जसमध्ये ३५ हजार ३३९ को मृत्यु भएको छ । एक लाख ५७ हजार ४३ उपचारपछि निको भएर घर फर्किएका छन् ।

यसैबीच, न्यूयोर्कमा गभर्नर एन्ड्रिउ कोमोले क्वारन्टीनलाई ‘निरर्थक’ बताएपछि आफू पछाडि हटेको ट्रम्पको भनाइ थियो।त्यसको विकल्पमा ‘कडा यात्रा प्रतिबन्धहरू’ लगाइएको र त्यो एप्रिल अन्त्यसम्म जारी रहने ट्रम्पले बताए। ट्रम्पले आउँदा दुई सातामा मृत्युदरको उच्च विन्दू पुग्ने भएकाले सरकारी मार्गदर्शनहरू विस्तारित गरिएको बताएका छन्। जसमा उच्च प्रभावित न्यूयोर्क, न्यूजर्सी एवं कनेटिकट राज्यका मानिसहरूलाई अत्यावश्यक बाहेकका अवस्थामा यात्रा नगर्न भनिएको छ।

यता नेपाल सरकारले लागु गरेको लकडाउन थपेर २५ गतेसम्मलाई लक डाउन गरिएको छ । लकडाउन सातौ दिन कोरोना भाइरस संक्रमण रोकथाम र नियन्त्रणका लागि सरकारले गरेको लकडाउनको सातौं दिन शहर बजार सुनासान छ ।

अधिकांश सर्वसाधारण अत्यावश्यक कामबाहेक घर बाहिर निस्केका छैनन् भने सुरुक्षाकर्मीले चेकजाँचमा कडाइ गरेका छन् । तर कतिपयले भने लकडाउनलाई गम्भीर रुपमा नलिएको पाइएको छ । जसका कारण सुरक्षाकर्मीहरुले लकडाउन उल्लंघन गर्नेहरुलाई नियन्त्रणमा लिनु परेको जनाएको छ ।

………..र याे पनि कोरोना भाइरसका कारण अमेरिकामा ‘दुई लाखको मृत्यु हुनसक्ने’ चेतावनी