भुटानमा पनि २१ दिनको लकडाउन

१८ चैत्र, काठमाडौं । दक्षिण एसियाको सानो मुलुक भुटानले पनि आजदेखि २१ दिने लकडाउनको घोषणा गरेको छ ।कोरोनाको बढ्दो संक्रमणबाट जोगिन उसले यस्तो निर्णय लिएको सरकारी सञ्चारमाध्यमले जनाएका छन् ।

भुटानमा अहिलेसम्म चार जनामा यो संक्रमण पुष्टी भइसकेको छ । मार्च ५ मा पहिलो पटक एक अमेरिकी पर्यटकमा कोरोना भाइरस लागको थियो । उनी भारतको आसाम हुँदै थिम्पु पुगेका थिए ।

छिमेकी भारतले एकसाता अगाडिबाटै कलडाउन गरेकाले पनि भुटानमा दवाव परेको थियो । यहाँ हालसम्म कोरोनाका कारण कसैको मृत्यु भएको छैन ।