कोरोनो भाइरसबाट विश्वभर ४७ हजार २ सय ५ को मृत्यु

२० चैत्र, एजेन्सी । कोरोनो भाइरस ‘कोभिड १९’ सङ्क्रमणको केन्द्रबिन्दु पछिल्लो समय अमेरिका बनेको छ । गएको २४ घण्टामा अमेरिकामा मात्रै एक हजारभन्दा धेरैको ज्यान गएको छ । अमेरिकामा अहिलेसम्म ५ हजार ९४ जनाको ज्यान गएको छ । २ लाख १४ हजार भन्दा धेरै मानिसमा सङ्क्रमण पुष्टि भएको छ ।

यस्तै इटालीमा थप सात सय २७ जनाको ज्यान गएसँगै १३ हजार १ सय ५५ जना स्पेनमा थप ९ सय २३ जनाको ज्यान गएसँगै ९ हजार ३ सय ८७ जना, फ्रान्समा ५ सय भन्दा धेरैको ज्यान गएसँगै ज्यान गुमाउनेको सङ्ख्या ४ हजार ३२ पुगेको छ ।

बेलायतमा पनि गएको २४ घण्टामा थप ५ सय ६३ जनाको ज्यान गएको छ । बेलायतमा अहिलेसम्म २ हजार ३ सय ५२ जनाको ज्यान गएको छ । अहिलेसम्म विश्वका २ सय ३ देश र दुई वटा अन्तराष्ट्रिय पानी जहाजमा कोरोना सङ्क्रमण फैलिएको छ । जसका कारण सङ्क्रमित हुनेको सङ्ख्या ९ लाख नाघेको छ ।

अहिलेसम्म ९ लाख ३५ हजार ४ सय ३१ जना सङ्क्रमित भएकामा १ लाख ९३ हजार ९ सय ९९ जना उपचारपछि निको भएका छन् । ६ लाख ९४ हजार २ सय २८ जनाको उपचार भइरहेको छ । ४७ हजार २ सय ५ जनाको भने ज्यान गएको छ ।