चीनको जिया काउण्टी लकडाउन

२० चैत्र, एजेन्सी । कोरोना भाइरस संक्रमणबाट विस्तारै उन्मुक्त भई आर्थिक गतिबिधि अगाडि बढाउन लागको भनिएको चीनमा फेरि संक्रमण फैलने आशंका बढेको छ ।

बुहानको संक्रमण विस्तारै नियन्त्रणउन्मुख भएपनि अर्काे प्रान्त हेनानको जिया काउण्टीमा कोरोना फैलिएको अधिकारीहरुले बताएको विभिन्न समाचार एजेन्सीले जनाएका छन् । संक्रमण नफैलियोस् भनेर स्थानीय सरकारले जिया काउण्टीलाई पूर्ण लकडाउन गरेको छ ।

एकजना चिनियाँ अधिकारीको हवाला दिैंदै चाइना मोर्निङ पोष्टले जनाएअनुसार, अस्ति मंगलबारदेखि नै जिया शहर पूर्ण लकडाउन गरेको छ । मनिसलाई बाहिर ननिस्कन कडा आदेश दिइएको छ, साथै परीक्षण पनि तीव्र रुपमा गरिंदै छ – ती अधिकारीले बताएका छन् । अत्यावश्यक काम परे स्थानीय प्रशासनको अनुमति लिएर मात्रै त्यो पनि ज्वरो नापेपछि मात्र दिइने बताइएको छ ।

चीनको हुवेई प्रान्तमा यसअघि दुई महिना लकडाउन गरेपछि संक्रमण नियन्त्रणमा आएको थियो । तर हिजो मात्रै थप ३६ जनामा संक्रमण पुष्टी भएपछि यस्तो नीति लिइएको पनि पोष्टले जनाएको छ । अन्यत्रबाट आएकाहरुबाट संक्रमणको खतरा हुने भयले गर्दा लकडाउन गरिएको हो भन्दै स्थानीय पदाधिकारीले स्थिति नियन्त्रणमा आएपछि जनजीवन सामान्य पारिने जानकारी दिएका छन् ।