फेरि भेटिए सातौं कोरोना संक्रमित पाेखरामा

२१ चैत, काठमाडौं । कोरोनाको विश्वव्यापी महामारीले आक्रान्त नेपालमा पनि कोरोना संक्रमणका सातौं बिरामी फेला परेका छन् ।

काठमाडौंमा कोरोना भाइरसको छैटौं संक्रमित फेला परेको भोलिपल्टै पाेखराका एक व्यक्तिमा कोरानाको संक्रमण देखिएको हो । उनी हालै भारतबाट नेपाल आएको बताइएको छ ।

पोखरास्थित गण्डकी स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको छ । ती व्यक्तिको नमूना संकलन गरेर पुनःपरीक्षणका लागि काठमाडौं पठाइएको प्रदेश सरकारले जनाएको छ ।