परम्पराविपरित राष्ट्रपति भणडारीद्धारा राष्ट्रका नाममा सम्बोधन

२१ चैत्र, काठमाडौं । आलंकारिक हैसियतकी राष्ट्रपति विद्यादेवी भण्डारीलाई विस्तारै कार्यकारी हैसियत दिन सरकार उद्यत रहेको पुष्टी हुने उपक्रम जारी छ । त्यसैको पछिल्लो श्रृँखलाका रुपमा राष्ट्रपति भण्डारीले राष्ट्रको नाममा सम्बोधन गरेकी छिन् ।

केही बेर अघि उनको सम्बोधनमा सरकारी सञ्चारमाध्यम रेडियो नेपाल र नेपाल टेलिभिजनको टिम शीतल निवास पुगेको थियो । कोभिड – १९ को संक्रमणलाई संवोधनले राष्ट्रपति भण्डारीलाई राजकीय सत्तामा सकृय बनाउने वर्तमान सरकारको एउटा कडीका रुपमा यसलाई लिइएको छ ।

देशमा जस्तो सुकै विपत्त आउँदा पनि राष्ट्रपतिले आलंकारिक स्वरुपमा आफूलाई राख्दै आएकोमा वर्तमान राष्ट्रपति भण्डारीले भने नयाँ कीर्तिमान कायम गरेकी छिन् । २०७२ को महाभूकम्पका बेला डा.रामवरण यादव राष्ट्रपति थिए । तर उनले त्यस्तो विकट घडीमा समेत यस्तो चाहना राखेनन् । यद्यपि त्यसबेला उनी दुखी भएको समाचार व्यापक रुपमा प्रकाशन र प्रशारण भएका थिए ।

राष्ट्रपति भण्डारीलाई फेरि सकृय राजनीतिमा ल्याउने प्रधानमन्त्री के पी ओलीको डिजाइनमा नै आजको सम्बोधन तय गरिएका्े स्रोतको दावी छ ।  राष्ट्रपतिले राष्ट्रको नाममा सम्बोधन गर्नका लागि मन्त्रिपरिषदले स्वीकृति दिनुपर्ने हुन्छ । तर मन्त्रिपरिषदले यस्तो कुनै स्वीकृति त के छलफल समेत नगरेको एकजना मन्त्रीले बताए ।

पूर्व माओवादी पक्षलाई कुनै जानकारी नदिई यस्तो निर्णय लिएको हुनसक्छ – नेकपाका एक पोलिटव्यूरो सदस्यले नेपालबहससँग भने । यस्तो गलत परम्परा बसाइयो भने भोलि समस्या आउन सक्छ भन्दै उनले पार्टीलाई सही ढंगले चलाउन यस्ता गतिविधि बाधक हुने बताएका छन् ।

राष्ट्रपति भण्डारीले सम्बोधनमा जनस्वास्थ्यलाई उच्च प्राथमिकतामा राखी सङ्क्रमण फैलिएर परिस्थिति नियन्त्रण बाहिर नजाओस् भनेर नै नेपाल सरकारले लकडाउन गरेको भन्दै यदि सतर्कता अपनाइएन भने संक्रमण फैलन सक्ने भएकाले सबैलाई आफ्नो, आफ्नो परिवार, छिमेकी र समुदायको स्वास्थ्यमा ध्यान दिन आग्रह गरेकी छिन् ।

संसारका सबैजसो मुलुकमा फैलिइरहेको यस महामारीबाट नेपाल अछुतो रहन नसके पनि सरकारले लिएका नीति र चालेका कदम प्रभावकारी भएकाले नै यो सीमित रहेको र फैलन नपाएको उनले बताएकी हुन् ।