बिपन्न परिवारको दुखको मलम गुरुङ, बिहादी १ का ५५ घरमा निशुल्क खाद्यान्न

२१ चैत्र पर्वत । समाजसेवी तथा नेपाली कांग्रेसका युवा नेता प्रविण गुरुङले पर्वतको विहादी गाउँपालिका १ बाच्छामा मजदुरी गर्ने बिपन्न घरपरिवारलाई निशुल्क खाद्यान्न उपलब्ध गराएका छन । गत स्थानीय तहको चुनावमा नेपाली कांग्रेसबाट गाउँपालिका अध्यक्षका प्रत्यासीसमेत रहेका गुरुङले बिहादी गाउँपालिका १ बाच्छाका दैनिक ज्याला मजदुरी गर्ने ५५ घर परिवारलाई व्यक्तिगत खर्चमै खाद्यान्न सहयोग गरेका छन।

काेराेना भाइरस राेकथाम तथा नियन्त्रणका लागी केही समय देखि सरकारले गरेको लकडाउनका कारण यहाँका गरिब तथा मजदुरी गर्ने घरपरिवार दैनिक जिविकोपार्जनको समस्यामा परेका छन । उनीहरुको दैनिकी सहज गराउनकै लागि गुरुङले केही समय अघि गाउँपालिकाभित्रका मजदुरी गर्ने हरेक घरको तथ्यांक निकालेर उनीहरुलाई खाद्यान्न सहयोग गर्ने जनाएका थिए।

“विहादीका जनताको रक्षा गर्नु मेरो दायित्व हो, म हुन्जेल यहाँ कोहि भोकै मर्नु पर्दैन ।“ स्थानिय सरकारलाई जनताका आधारभुत आवश्यकताका पूरा गर्न आग्रह गर्दै सम्पुर्ण जनतालाइ घरमा बसेर सरकारको लकडाउनलाई सहयोग गर्न , सचेत बन्न र सजगता अपनाउन अपील गरेका छन। साथ साथै पालिका भित्र रहेका सम्पुर्ण पाटीका भातृसस्था र शुभेच्छुक सस्थाहरु नेबिसंघ , तरुण दल, महिला संघ , शिक्षक संघ , भुपु संघ सम्पुर्णलाई बिपदको यो समयमा आबश्यक समन्वय गर्न आग्रह समेत गरेका छन।

खाधान्न वितरणमा स्थानीय एब्लेज युवा क्लबले सहजता गरेको थियो । क्लवले सामाजिक काम गर्दै आइरहेको छ । यस्तै, उनले राजनीति भन्दा माथी उठेर विपतमा सहयोग गर्न सबैलाई आग्रह समेत गरेका छन ।  उनले अफ्ट्यारो परेका बिहादिका स्थानीयलाइ ९८५६०२९०१९ मा फोन गर्न नि आग्रह गरेका छन। नेपाली कांग्रेस जिल्ला सदस्य समेत रहेका गुरुङले यसअघि पनि विहादीमा सामाजिक क्षेत्रमा सहयोग गर्दै आइरहेका छन ।