अमेरिकामा कोरोनाबाट १२ हजार आठ सयको मृत्यु

२६ चैत्र, एजेन्सी । अमेरिकामा कोरोना भाइरस ‘कोभिड-१९’ बाट चार लाखभन्दा धेरै सङ्क्रमित भएका छन् ।अमेरिकामा चार लाख चार सय १२ जनामा कोरोना सङ्क्रमण पुष्टि भएको छ भने १२ हजार आठ सय ८४ जनाको ज्यान गएको छ । त्यस्तै सङ्क्रमितमध्ये २१ हजार ६ सय ७४ जना उपचारपछि निको भएका छन् ।

अमेरिकापछि स्पेनमा सबैभन्दा धेरै एक लाख ४१ हजार ९ सय ४२ जना सङ्क्रमित भएकोमा १४ हजार ४५ जनाको ज्यान गएको छ । सङ्क्रमितमध्ये ४३ हजार दुई सय आठ जना उपचारपछि निको भएका छन् ।

इटलीमा एक लाख ३५ हजार पाँच सय ८६ जनामा सङ्क्रमण पुष्टि भएको छ । इटलीमा अहिलेसम्म सबैभन्दा धेरै १७ हजार एक सय २७ जनाको ज्यान गएको छ । त्यस्तै सङ्क्रमितमध्ये २४ हजार तीन सय ९२ जना उपचारपछि निको भएका छन् ।

फ्रान्समा पनि एक लाख ९ हजार ६९ जना सङ्क्रमित भएकोमा १० हजार तीन सय २८ जनाको ज्यान गएको छ । सङ्क्रमितमध्ये १९ हजार तीन सय ३७ जना उपचारपछि निको भएका छन् ।

विश्वका दुई सय ९ देश र दुई वटा अन्तर्राष्ट्रिय पानी जहाजमा फैलिएको भाइरसका कारण अहिलसम्म १४ लाख ३१ हजार पाँच सय सय ४० जनामा सङ्क्रमण पुष्टि भएको छ । विश्वभर ८२ हजार ७४ जनाको ज्यान गएको छ भने तीन लाखभन्दा धेरै निको भएका छन् ।