विश्वभर संक्रमितको संख्या २० लाख नाघ्यो

३ वैशाख एजेन्सी । विश्वभर कोरोना भाइरस संक्रमितको संख्या २० लाख नाघेको छ । चीनको वुहानबाट शुरु भएको यो भाइरस विश्वका २ सय १० देशमा फैलिएको छ । यो समाचार तयार पार्दासम्म २० लाख ११ हजार ८ सय २४ जना संक्रमित भएका छन ।

अहिलेसम्म भाइरसबाट विश्वभर १ लाख २७ हजार ४ सय ९२ जनाकाे ज्यान गएकाे छ भने ४ लाख ८५ हजार ५ सय ९६ जना उपचारपछि निकाे भएका छन् ।

सबैभन्दा धेरै अमेरिकामा ६ लाख बढी नागरिक संक्रमित छन । अमेरिकामा ६ लाख १४ हजार संक्रमित हुँदा २६ हजार भन्दा धेरैको मृत्यु भइसकेको छ । यस्तै स्पेनमा १ लाख ७४ हजार संक्रमित छन । १८ हजारको ज्यान गएको छ ।

इटालीमा १ लाख ६२ हजार संक्रमित हुँदा २१ हजारको मृत्यु भएको छ । यस्तै फ्रान्समा १ लाख ४३ हजार संक्रमित छन । त्यहाँ १५ हजारको ज्यान गइसकेको छ । जर्मनीमा १ लाख ३२ हजार, बेलायतमा ९३ हजार, चीनमा ८२ हजार, इरानमा ७४ हजार, टर्कीमा ६५ हजार, बेल्जियममा ३१ हजार संक्रमित छन ।

यस्तै दक्षिण एसियातर्फ भारतमा ११ हजार संक्रमित हुँदा झण्डै ४ सय जनाको मृत्यु भएको छ । नेपालमा अहिलेसम्म १६ जनामा संक्रमण पुष्टि भएको छ ।