नेकपाभित्रको रडाको आकाशवाणीले मिलायोः कांग्रेस वरिष्ठ नेता अर्जुननरसिंह केसी
नेपालबहस संवाददाता
बैशाख २२, २०७७ सोमबार २२:४७:४२
२२ बैशाख, काठमाडौं । नेपाली कांग्रेसका प्रभावशाली नेता एवं पूर्वमन्त्री अर्जुननरसिंह केसीले सत्तारुढ नेकपाभित्रको रडाको नेपत्थ्यबाट प्राप्त आकाशवाणीले मत्थर भएको बताएका छन् । तर नेकपाभित्रको यो अस्थायी युद्धविराम भुसको आगो हो, कुनै पनि बेला सतहमा आउने छ – वरिष्ठ नेता केसीले नेपालबहस डटकमसँग कुरा गर्दै भने ।
विगत एक महिनादेखि नेकपाभित्र राजकीय शक्ति हत्याउन सुरु भएको बबण्डर निस्तेज गर्न उत्तरी छिमेकी चीनको सक्रियता बढेको प्रति संकेत गर्दै नेता केसीले भने यो केवल अस्थायी युद्धविराम हो, फेरि बल्झने निश्चित छ । प्रधानमन्त्री केपी ओलीले दुई अध्यादेश जारी गरेपछि एकाएक रन्किएको विवादले ठूलै रुप लिन थालेपछि काठमाडौंस्थित चिनियाँ राजदूतको चलखेल बढेको थियो ।
विवाद मिलाउन उनले दुवै देशका राष्ट्रपतिबीच करिब एक घण्टा टेलिफोन वार्ता गराएकी थिइन् । साथै सत्तारुढ दलका शीर्ष नेताहरुसँग पनि उनले बाक्लै भेटघाट गरेकी थिइन् । चीनकै पहलमा यसपालाको संकट टरेको विश्वास नेपाली राजनीतिक वृत्तमा व्याप्त छ ।
आकाशवाणीले नेकपाका नेताहरुको ब्रम्हज्ञान खुलेको जस्तो लाग्छ, तर यो दीर्घकालिक भने होइन– पूर्वमन्त्री केसीले भने ।
कोरोना भाइरसले सम्पूर्ण मुलुक आक्रान्त रहेका बेला सत्तारुढ दलका नेताहरु भने पद कै लागि झुत्ती खेलिरहेकाले संक्रमण नियन्त्रण कमजोर भएको पनि उनले आरोप लगाए । बेलैमा सरकारले प्रभावकारी ढंगले नियन्त्रणात्मक कार्यक्रम सञ्चालन गरेको भए नेपाली जनताले यस्तो दुखकष्ट भोग्नुपर्ने थिएन भन्दै नेता केसीले बरु कोरोनाको त्राश बढाएर भ्रष्ट्राचार र अनियमितता बढाएकोमा आपत्ती जनाए ।
जनतालाई घरमा थुनेर सत्ताको बार्गेनिङ गर्ने नेकपाका नेताहरुले यसबीचका सबै विकृति र विसंगतिको स्वामित्व ग्रहण गनुपर्ने उनकाे भनाइ छ । हिजोसम्म उनीहरुले सरकारमाथि लगाएका आरोपहरुको जवाफ कस्ले दिने भन्दै नेता केसीले अकाशवाणीका भरमा भएको अस्थायी युद्धबिरामले भ्रष्ट्राचार, अनियमितता र अपहरणको जिम्मा समग्र नेकपाले लिनुपर्ने उल्लेख गरे । ओली सरकार गठन भएपछि लागेका सबै भ्रष्ट्राचार, अपहरण, घुसखारी तथा कुशासन आरोपको जिम्मेवारी अब प्रचण्ड, माधव नेपाल वा झलनाथ खनाल सबैले लिनुपर्छ भन्दै उनले भने– सचिवालय बैठकमा विगतका सबै तीतामिठा बिर्सने भनेको गलत काम पनि ठीक हो भन्ने बुझ्नुपर्छ ।
नेकपाभित्रको लडाईं सैद्धान्तिक र विचारप्रधान नभई सत्तामा भागबण्डा पाउनमै सीमित रहेकाले स्वार्थ केन्द्रित झगडा त्यसै फासफुस बनाइएको छ – उनले भने । त्यसैले देशमा भएका सबै अस्तव्यस्तता र निरंकुश प्रवृत्तिको जिम्मेवारी ओलीले मात्र नभई समग्र पार्टीले लिनुपर्ने तर्क गर्दै नेता केसीले भोलि यसबाट आइपर्ने गलत परिणामको अपजस लिन तयार हुनुपर्ने पक्षमा जोड दिए । कोरोना संक्रमण नियन्त्रणमा सरकार गैर जिम्मेवार देखिएको आरोप लगाउँदै नेता केसीले प्रारम्भदेखि नै सरकारी सक्रियता सुस्त भएको बताए ।
कोरोनाविरुद्धको संघर्षमा लकडाउन एउटा राम्रो उपाय भएपनि यो नै ब्रम्हास्त्र चाहिं नभएको तर्क गर्दैै नेता केसीले भने –लकडाउनका कारण उत्पन्न हुने अन्य प्रभाबबारे कुनै कार्यक्रम नहुँदा श्रमजीवी मजदूर र विद्यार्थी बढी मारमा परेका छन् ।लकडाउनसँग प्रिभेन्टिभ मिजर्स पनि अपनाइनुपर्नेमा नेकपा नेताहरु सत्ताको लडाईंमा केन्द्रित भएकाले समस्या बिकराल हुन लागेको उनको भनाई छ । देशको अर्थतन्त्र अब ज्यादै चिन्ताजनक अवस्थामा पुगेको भयावह अवस्था चित्रण गर्दै नेता केसीले यसबाट निस्कने कुनै आर्थिक कार्यक्रम तयार नहुनु गम्भिर विषय हो भने ।
सरकारको शासन गर्ने नैतिक पक्ष मात्र होइन, वैधानिक हैसियतसमेत प्रश्नको घेरामा रहेकाले एकतन्त्रीय शासन सत्ताको परिकल्पना गरेर अगाडि बढ्न खोजेको उनले स्पष्ट गरे । तर ओली सरकारको विकल्पमा नेपाली कांग्रेसको नेतृत्वले आफूलाई कठोर रुपमा उभ्याउन नखोजेको भन्दै नेता केसीले यस्तो गैरजिम्मेवार सरकारले अब पनि नागरिकको पक्षमा कुनै काम गर्ने सम्भावना नरहेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपछोटो अवधिमा सरकार परिवर्तन भइरहने कुरा नेपालका लागि महारोग नै भयो: धनराज गुरुङ
बैशाख २१, २०८१ शुक्रबार
सम्पदा संरक्षणमा उदाहरणीय नगर प्रहरी
पुष २९, २०८० आइतबार
संविधान संशोधनतिर भन्दा यसको प्रभावकारी कार्यान्वयनमा लाग्नुपर्छ : सभामुख घिमिरे
असोज १, २०८० सोमबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
ताइवानको संसदमा सांसदहरुबीच हानाहान !
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
राष्ट्रियसभाको बैठक पनि दुई घण्टाका लागि सर्यो
जेठ ६, २०८१ आइतबार
सामूहिक कृषिमा महिलाको आकर्षण बढ्दो
जेठ ६, २०८१ आइतबार
दुःखबाट मुक्ति पाउन मोहिनी एकादशी पर्व मनाइँदै
जेठ ६, २०८१ आइतबार
चेपाङ बस्तीमा प्राधिकरणले जब निःशुल्क मिटर बाँड्यो !!!
जेठ ६, २०८१ आइतबार
पानीका स्रोत सुक्न थालेपछि वन्यजन्तु समस्यामा
जेठ ६, २०८१ आइतबार