मोरङमा थप ८ जनामा कोरोना संक्रमण पुष्टि

२८ जेठ, विराटनगर । मोरङमा थप ८ जनामा कोरोना संक्रमण पुष्टि भएको छ । प्रदेश जनस्वास्थ्य प्रयोगशाला विराटनगरमा परीक्षण गर्दा मोरङको रतुवामाई नगरपालिकाका ८ जना पुरुषमा कोरोना संक्रमण पुष्टि भएको हो ।

नगरपालिकाका प्रमुख प्रशासकीय अधिकृत राजेन्द्र भट्टराईका अनुसार सौठा क्वारेन्टाइन बसेका तीन जना र इटहरा क्वारेन्टाइनमा बसेका ५ जनामा संक्रमण देखिएको हो । संक्रमण पुष्टि भएकाहरु १० दिन अघि भारतबाट आएकाहरु हुन् ।

नगरले क्वारेन्टाइनमा बसेको १० दिनपछि मात्र कोरोना जाँच गर्दै आएको छ । मोरङमा कोरोनाका कारण प्रभावित स्थानीय तह रतुवामाई बनेको छ । यससँगै मोरङ जिल्लामा कोरोना संक्रमितको संख्या ३९ पुगेको छ । रतुवामाईमा बुधबारसम्म २२ जनामा संक्रमण देखिएको भट्टराईले बताए ।