मोटरसाइकलको ठक्करबाट पैदल यात्रुको मृत्यु

◊ धीरुभाइ

१ असार, सप्तरी । सप्तरीको खडक नगरपालिका ७ कल्याणपुर चौक स्थित मोटरसाइकलले ठक्कर दिदा एक पैदल यात्रु महिलाको मृत्यु भएको छ ।

पूर्वपश्चिम लोकराजमार्ग अन्तर्गत सो सडक खण्डमा मोटरसाइकलको ठक्करबाट स्थानीय ३२ वर्षीया सजदा खातुन भन्ने असिया खातुनको मृत्यु भएको प्रहरीले जनाएको छ ।

लोकराजमार्गमा पूर्वबाट पश्चिमतर्फ जादै गरेको स ६ प ७८४३ नम्बरको मोटरसाइलले ठक्कर दिदा गम्भिर घाइते खातुनको बिराटनगर स्थित न्यूरो अस्पतालमा उपचारको क्रममा गएराती मृत्यु भएको जिल्ला प्रहरी कार्यालय सप्तरीका प्रहरी प्रवक्ता प्रहरी नायब उपरीक्षक तिलक भारतीले जानकारी दिए । दुर्घटनापछि चालक र मोटरसाइकल प्रहरीले नियन्त्रणमा लिई थप अनुसन्धान कार्य गरिरहेको बताएको छ ।