आजदेखि सवारी पास रद्द, जोर बिजोरको पूर्ण पालना

२ असार, काठमाडौं । सरकारले मंगलबारदेखि सवारी पास रद्ध गरेको छ । काठमाडौं भित्र र अन्य जिल्ला भित्रका लागि जुनसुकै निकायबाट जारी गरिएका सवारी पासहरुरद्द भएका हुन । यात्राका लागि जोर विजोर प्रणालीको पूर्ण पालना गर्नु पर्ने छ ।

काठमाडौं उपत्यकाबाट बाहिर वा अन्य जिल्लाबाट काठमाडौं आउनको लागि जारी गरिएका अन्तर जिल्ला जाने पासहरु ‘छोटो अवधिका’ भने यथावत रहने गृह मन्त्रालयले जनाएको छ ।

मोटरसाइकल लगायत दुई पांग्रे सवारीमा पनि जोर विजोर प्रणाली लागु गरिएको छ । मोटरसाइकलमा एक जना मात्रै सवार हुन पाइने गृह मन्त्रालयले जनाएको छ ।

दुई जना सवार दुई पांग्रे सवारी साधनलाई प्रहरीले रोकेको छ । जोर दिनमा अन्तिमको अंक जोर र विजोर दिनमा अन्तिमको अंक बिजोर नम्बर भएका सवारी साधनहरु चल्न पाउने छन् ।