कर्णालीमा थप २८ जनालाई कोरोना संक्रमण पुष्टि

१० असार, सुर्खेत । कर्णाली प्रदेशमा थप २८ जनालाई कोरोना संक्रमण पुष्टि भएको छ । कर्णाली प्रदेशको सामाजिक विकास मन्त्रालयअन्तरगत रहेको स्वास्थ्य महाशाखाकाअनुसार सुर्खेतका १३, जुम्लाका चार, दैलेखका तीन, जाजरकोट, कालिकोट, दाङ, धनुषा, रुपेन्देही, सप्तरी, ताप्लेजुङ र उदयपुरका एक एक गरी २८ जनामा संक्रमण पुष्टि भएको हो ।

यससँगै कर्णाली प्रदेशमा संक्रमित हुनेको संख्या १ हजार ३ सय ३५ पुगेको छ । यस्तै कोरोना जितेर घर फर्किनेको संख्या ५ सय ६८ पुगेको छ । बुधबार मात्रै ८ जना संक्रमित निको भएर घर फर्किएका छन ।