काग्रेसद्धारा नागरिकता विद्येयकको विरोधमा प्रदर्शन र कोणसभा

◊ धीरुभाइ

१५ असार सप्तरी । वर्तमान सरकारको पहिलो प्राथमिकतामा भ्रष्टाचार गर्ने कार्य नै परेको विभिन्न वक्ताहरुले आरोप लगाएका छन । आन्दोलनरत नेपाली कांग्रेस पार्टी सप्तरीले सोमबार आयोजना गरेको कोण सभामा वक्ताहरुले यस्तो बताएका हुन । जनताको जनजीवन भन्दा भ्रष्टाचारलाई प्राथमिकतामा राखेर काम गरिरहेको भन्दै वक्ताहरुले अहिलेको सरकार जनतामुखी नभई भ्रष्टहरुको भएको टिप्पनी गरेका छन ।

नेपाली कांग्रेस सप्तरी सभापति दिनेशकुमार यादवको अध्यक्षतामा आयोजित कोण सभामा संविधान विपरित नागरिकता संशोधन विद्ययेक प्रस्ताव गरेकोले यसलाई कांग्रेसले कुनै हालतमा स्वीकार्न नसकिने बताएका छन । कोण सभामा नेपाल विद्यार्थी संघका पूर्व सहमहामन्त्री इर्साद अन्सारीले सामाजिक, राजनीतिक, साँस्कृतिक बिखण्डन गर्ने खालको नागरिकता संशोधन विद्येयक प्रस्ताव भएको भन्दै अबिलम्ब फिर्ताको माग गरे ।

सोही सभामा नेविसंघ सप्तरीका पूर्व सभापति अर्जुनप्रसाद साहले समाजमा विखण्डन ल्याउने नागरिकता विद्ययेकले राष्ट्रवादी नहुने भन्दै विद्ययेक फिर्ता नलिएमा विद्रोह सम्म हुन सकिने चेतावनी दिए । सभामा प्रदेश २ का सभा सदस्य गीताकुमारी यादव, जिल्ला सचिव रामकुमार यादव, जिल्ला नेता रामदेव साह, नेविसंघका जिल्ला सभापति घनानन्द यादव, तरुण दलका पूर्व जिल्ला सभापति अनिल देव, अर्जुन यादव लगायतले सरकारको कडा आलोचना गरे ।

यसअघि पार्टी कार्यालय अगाडीबाट निस्किएको विरोध प्रदर्शन नगरको विभिन्न भागको परिक्रमा गरी जनआन्दोलन चोकमा पुगी कोण सभामा परिणत भएको थियो । सरकार विरुद्ध लेखिएको विभिन्न प्लेकार्ड झुण्ड्याएर नगर परिक्रमा गरेको थियो ।

नागरिकता संशोधन विधयेक खारेजी, पीसीआर परीक्षण बढाउन, लकडाउन अबधिभरको घर भाडा मीनाहा, बैंकको ब्याज मिनहा, विद्युत शुल्क मिनहा, विद्यार्थी शुल्क मिनहा, क्वारेन्टाइन ब्यवस्थित, कृषकहरूलाई मल तथा बीउ निःशुल्क उपलब्ध गराउन लगायतको माग गर्दै प्रदर्शन गरेको हो । पार्टीले अन्तिम संविधानमा भएको नागरिकता विद्येयक लागूको समेत माग गरेको छ ।