मोटरसाइकल चोरी गरी लैजाँदै गर्दा २ जना पक्राउ

१९ असार, रौतहट । रौतहटमा गएराती प्रहरीले मोटरसाइकल चोरी गरी लैजाँदै गर्दा २ जनालाई पक्राउ गरेकाे छ । देवाही गोनाही नगरपालिका टिकुलिया बकैया पुल नजिकै सडकमा पार्किङ गरी राखेको को.११ प २६६७ नम्बरको मोटरसाइकल चोरी गरी लैजाँदै गरेको अवस्थामा प्रहरीले पक्राउ गरेको हाे ।

पक्राउ पर्नेहरुमा बौधिमाई नगरपालिका-१ बौधा बस्ने २० वर्षीय रमेश राय यादव र रम्भु कुमार यादव रहेका छन् । मोटरसाइकल चोरी गरी डोर्‍याउँदै मौलापुरतर्फ लैजाँदै गरेको अवस्थामा ईलाका प्रहरी कार्यालय देवाही गोनाहीबाट खटिएको प्रहरीले उनीहरुले उक्त मोटरसाइकलसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।