लागुऔषधसहित एक जना पक्राउ

◊ धीरुभाइ

सप्तरी । सप्तरी प्रहरीले प्रतिबन्धित लागुऔषधसहित एक जनालाई पक्राउ गरेको छ । जिल्लाको राजगढ गाउँपालिका २ बनैनिया बस्ने २९ वर्षीय कौशल सिंहलाई गएराती पक्राउ गरेको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले जानकारी दिए ।

भारतबाट नेपाल तर्फ आउदै गरेको सिंहलाई सशस्त्र प्रहरी वेश क्याम्प बनैनियाको टोलीले पक्राउ गरेको हो । प्रहरीले चेक जाँच गर्दा स्पासमो प्रोक्सिभोन प्लस १८ वटा ट्याबलेट बरामद भएपछि पक्राउ गरिएको बताइएको छ । आवश्यक थप अनुसन्धानका लागि सिंहलाई प्रहरी चौकी झुट्कीको जिम्मा लगाएको प्रहरीले जनाइएको छ ।