झरनामा पर्यटन आवागमनमा रोक
नेपालबहस संवाददाता
असार २८, २०७७ आइतबार १४:३६:४९
पोखरा । विश्वव्यापी महामारिका रूपमा फैलिएको कोरोना भाइरसप्रति सजग बन्दै पोखरा महानगरपालिका–२८ माझठानास्थित दुई झरनामा पर्यटन आवागमनमा रोक लगाइएको छ । बन्दाबन्दी भएपनि यहाँका रोला र ढोडेनी झरनामा दिनानुदिन बढिरहेको पर्यटकको चापलाई दृष्टिगत गरी सम्भाव्य कोरोना जोखिमलाई मध्यनजर गर्दै आगामी साउन १५ गतेसम्मका लागि पर्यटक आउन रोक लगाइएको हो ।
रोलखोला, निलीरह पर्यटन पूर्वाधार विकास समितिको आयोजनामा जनप्रतिनिधिसहित झरनामा क्यानोनिङ सञ्चालन गर्दै आएको ट्रिप लङ पाक्स गानयोन ट्रिक्स प्रालिसहितको बैठकले उक्त निर्णय गरेको हो । झरनामा क्यानोनिङ गर्ने, स्नान गर्ने र दृश्यावलोकन गरेर रमाउने पर्यटकको चाप दिन प्रतिदिन वृद्धि भएको छ । भौतिक दूरी कायम नगर्नु, मास्कलगायतका सुरक्षाका सामग्री प्रयोगमा ध्यान नदिँदा रोग फैलिने खतरा बढेपछि केही समयका लागि बन्द गरिएको पर्यटन पूर्वाधार विकास समितिका अध्यक्ष भोजराज भुर्तेलले जानकारी दिए ।
“बिहीबार परेको अविरल वर्षासँगै गएको पहिरोले झरनासम्म जाने बाटोसहित निवाट चन्नीखोला सिँचाइ कुलोसमेत बगाएको छ” उनले भने,“ पहिरोले बगाएको नहर मर्मत गरी सिँचाइको व्यवस्था र बाटो निर्माणका लागि पनि झरनामा आवागमन बन्द गरिएको हो ।”बैठकमा उपस्थित पोखरा–२८ का वडाअध्यक्ष निर्मल दियालीका अनुसार कोरोना भाइरसको सङ्क्रमण फैलिन नदिन र बाटो तथा सँगै रहेको सिँचाइ कुलोको मर्मत, पहिरोको जोखिमसहित झरनामा आवश्यक भौतिक पूर्वाधार निर्माणका लागि यतिखेर पर्यटन आवागमनमा रोक लगाइएको हो ।
“भौतिक पूर्वाधार निर्माणका लागि वडास्तरबाट सक्दो आर्थिक सहयोग रहने छ”, उनले भने, “झरना प्रदेशकै नवीनतम पर्यटकीय गन्तव्य भएकाले त्यसका लागि स्थानीय पहल अत्यन्त महत्वपूर्ण हुन्छ ।”बैठकले पोखरा वडा नं २८ र ३० को सङ्गमस्थल स्याङ्खुदीदेखि नेटालगायतका स्थानमा सूचना बोर्डसमेत राखेको उल्लेख गर्दै वडाअध्यक्ष दियालीले बन्द गरिएको अवधिमा पर्यटकमा देखिएको उत्साहलाई सम्बोधन गर्ने गरी झरनाको प्रचारप्रसारसहित भौतिक निर्माणमा जुट्ने प्रतिबद्धता व्यक्त गरे ।
झरनामध्ये रोलाखोला झरना ६५ मिटर उचाइको छ भने सँगैको अर्को ढोडेनीखोला झरना ५० मिटर उचाइमा छ । पछिल्लो समयमा यहाँका दुईवटै झरनामा साहसिक खेल शुरु गरिएको क्यानोनिङ सञ्चालक रोशन त्रिपाठीले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपर्यटकीय स्थल पिकेडाँडा र ज्वालामाई क्षेत्रमा भरपर्दो सञ्चार सुविधा नहुँदा पर्यटकलाई मर्का
मंसिर १३, २०८१ बिहिबार
पर्यटकीय गन्तव्य बन्दै लमजुङको करपुरेश्वर उद्यान
मंसिर १२, २०८१ बुधबार
शे–फोक्सुण्डो तालमा पर्यटकको आगमन जारी
मंसिर १२, २०८१ बुधबार
ओलीको ठूलो उपलब्धिः पाँच अर्बको चलखेलमा धितोपत्र बोर्डमा अध्यक्ष नियुक्ति !
नेपालबहस संवाददाता
मंसिर ११, २०८१ मंगलबार
विश्वका धनाढ्य व्यक्तिहरू सँधै जीवित रहने औषधि बनाउँदै
मंसिर १३, २०८१ बिहिबार
के तपाईं खल्ती वालेटसँग कारोबार गर्दै हुनुहुन्छ ? होशियार ! खल्ती वालेट असुरक्षित
मंसिर १३, २०८१ बिहिबार
राजनीतिक शक्ति देखाएर सीजी कम्युनिकेसनको लाइसेन्स बचाउने प्रयासमा असफल भए विनोद चौधरी
मंसिर १३, २०८१ बिहिबार
अरबौको ठेक्का हात पार्न पासपोर्टको सफ्टवेयर प्रणालीमै अवरोध
मंसिर १३, २०८१ बिहिबार
बालाचतुर्दशीमा बत्ती बाल्न र सद्बीज छर्न कुनै शुल्क नलाग्ने
मंसिर १३, २०८१ बिहिबार
पोखरा अन्तर्राष्ट्रिय विमानस्थलबाट अन्तर्राष्ट्रिय उडान सुनिश्चिताको माग
मंसिर १३, २०८१ बिहिबार
तीनै तहका सरकारबीच सहकार्य आवश्यक: मुख्यमन्त्री कार्की
मंसिर १३, २०८१ बिहिबार
एनपिएलः चितवन राइनोजले समर्थकलाई निःशुल्क बस सेवा उपलब्ध गराउने
मंसिर १३, २०८१ बिहिबार
एनपिएलः एनसेल फाउन्डेसनले प्रत्येक चौकामा शैक्षिक सामग्री वितरण गर्ने
मंसिर १३, २०८१ बिहिबार