कुटपिटबाट एक महिलाको मृत्यु, आरोपित भन्छन घटना अतिरञ्जित !

◊ धीरुभाइ

सप्तरी । डाक्नेश्वरी नगरपालिका वडा नम्बर–७ ब्रहमपुर स्थित पोखरीमा माछा मारेको विषयमा सप्तरीको एकआपसमा विवाद भई कुटपिट हुँदा एक महिलाको मृत्यु भएको प्रहरीले बताइएको छ ।

ब्रहम्पुरका मनेजर मण्डलको ५५ वर्षिया पत्नी मानशेर देवी मण्डलको कुटपिटबाट घटना स्थलमै मृत्यु भएको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले बताए । कुटपिटबाट ३५ वर्षिया सिता देवी मण्डलको टाउको र शरीरको बिभिन्न भागमा चोट लागेर घाइते भइ उनको गजेन्द्रनारायण सिंह अस्पताल राजविराजमा भर्ना गरिएको र अवस्था सामान्य रहेको बताइएको छ ।

सो घटनामा संलग्न रहेको आरोपमा पाँच जनालाई पक्राउ गरेको छ । पक्राउ पर्नेहरुमा डाक्नेश्वरी नगरपालिका वडा नम्वर–७ का ३५ वर्षिय कारी साह, १५ वर्षिय सुनिल कुमार साह, २२ वर्षिय धनबिर साह, ३६ वर्षिय विरेन्द्र साह, ५५ वर्षिय राम प्रसाद साह रहेका छन् ।

आरोपित भन्छन, घटना अतिरञ्जित

उक्त घटनाका आरोपित पक्षले शनिबार बेलुका माछाको विषयमा कुटपिट नभई सामान्य झग्डा हुँदा मृतक महिला घटना स्थलमा नरहेको बताइएको छ । झग्डा भइसकेको केही घण्टापछि आफ्नै घरमा कालगतिले मरेपछि अर्को पक्षले यस घटनासँग जोडिएको दाबी गरेको छ ।

मृतक महिला लामो समयदेखि मिर्गौला, मुटु लगायतको रोगबाट पीडित रहदै आएको आरोपित पक्षले भने माछाको विषयमा झग्डा हुनु र उनको मृत्यु संयोग मात्र हो । महिला मरेपछि उनको आफन्तले मृतकको हातखुट्टामा हिलो लेपेर घटनालाई अतिरञ्जित बनाइ कुटपिटबाट मरेको भनेर प्रहरीलाई खबर गरेको दाबी गरेको छ ।

कुटपिटबाट मरेको भए आरोपितहरु घर छोडेर भागिसकेको हुन्थ्यो प्रश्न गर्दै तर, उनीहरु घरमै थियौं । स्थानीय राजनीतिक रिसइवीको प्रतिशोधको लागि घटना नै नभएको घटना बनाइएको भन्दै उनीहरुले भने घटनाको सत्यतथ्य छानविन गर्न माग गरे । उक्त घटनामा दोषी ठहरिएमा कारबाही भोग्न तयार रहेको बताए