डाङसिंटारबाट भरुवा बन्दुकसहित एक जना पक्राउ

रामेछाप । इतबार राती एक जनालाई भरुवा बन्दुकसहित पक्राउ गरेको छ । रामेछाप नगरपालिका-६ डाङसिंटार बस्ने ४० वर्षीय ईन्द्र बहादुर थापा मगरलाई मकै बारीमा बाँदर धपाउनको लागी प्रयोग हुने भरुवा बन्दुकसहित पक्राउ गरेको हो ।

उक्त भरुवा बन्दुक चलाउने क्रममा उक्त भरुवा बन्दुकको छर्रा लागेर सोही ठाउँ बस्ने १९ वर्षीय आकाश आले मगर घाइते भएको भन्ने खबर प्राप्त हुनासाथ जिल्ला प्रहरी कार्यालय रामेछाप र प्रहरी चौकी रामेछापडाँडाबाट खटिएको प्रहरीले उनलाई पक्राउ गरेको हो । घाइते आकाशको धुलिखेल अस्पताल काभ्रेमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको छ ।