इन्भेष्टमेन्ट बैंकको सीईओमा ज्योति पाण्डेलाई नै निरन्तरता दिने सञ्चालक समितिको निर्णय

३० असार, काठमाडौं । नेपाल इन्भेष्टमेन्ट बैंकको प्रमुख कार्यकारी अधिकृत (सीईओ) मा ज्योतिप्रकाश पाण्डेले नै निरन्तरता पाउने भएका छन् । मंगलबार बसेको बैंक सञ्चालक समितिको बैठकले आगामी ४ वर्षका लागि पाण्डेलाई नै निरन्तरता दिने निर्णय गरेको हो। सीईओको रुपमा यो उनको तेस्रो कार्यकाल हो ।

पाण्डेको कार्यकाल असार मसान्तमा सकिँदै थियो । ३९ बर्ष अघि नेपाल राष्ट्र बैंकको सहायक पदबाट आफ्नो बैंकिङ करियर सुरु गरेका पाण्डेले ११ महिना मात्र जागीर खाएका थिए ।

एनआइडीसी, इन्डोस्वेज बैंक हुँदै हिमालयन बैंकमा समेत लामो समय बिताएका पाण्डेले पटना युनिभर्सिटीबाट एमबीए र कोलकाताबाट स्नातक गरेका छन् । जेभिरियन समेत रहेका पाण्डे काठमाडौंका स्थायी बासिन्दा हुन् ।

उनकै पहलमा पछिल्लो समय बैंक जमानत वापतको २ अर्ब भन्दा बढी रकम मुद्धा जितेर इटलीबाट फिर्ता ल्याउन सफल भएपछि सो बैंकको वित्तीय विवरण प्रगतिउन्मुख देखिएको छ ।