नेपालमा लोकप्रिय पठाओका संस्थापक सिईओ अमेरिकामा मृत फेला

एजेन्सी । नेपालमा पछिल्लो समय लोकप्रिय बनेको पठाओका संस्थापक फहिम सलेह मृत फेला परेका छन । बंगलादेशपछि नेपालमा लोकप्रिय बनेको पठाओको अन्तर्राष्ट्रिय राइड–शेयरिङ कम्पनी उनले पहिलोपटक शुरु गरेका थिए ।

सलेह सोमबार अमेरिकाको न्युयोर्कमा मृत फेला परेका बिबिसीले जनाएको छ । उनको हत्या गरेर फालिएको अवस्थामा शब भेटिएको पनि बिबिसीको दाबी छ । यद्यपी यसबारेमा अमेरिकी प्रहरीले थप विवरण सार्वजनिक गरेको छैन ।

सलेहकै अर्को कम्पनी गोकाडाले ट्वीटरमार्फत् उनको मृत्यु भएको पुष्टि गरेको छ । बंगलादेशी सलेह युवापुस्तकै लोकप्रिय व्यवसायी मानिन्थे । जसले डिजिटल प्लेटफर्ममार्फत यातायातलाई व्यवस्थित पारेका थिए ।