काठमाडौंमा दिउँसै अपहरण : २५ लाख माग, ७ जना पक्राउ

२ साउन, काठमाडौं । कोरोना महामारीले सिर्जना गरेकाे लकडाउनकै बेला काठमाडौंको टोखाबाट एक व्यक्तिको दिउँसै अपहरण भएको छ । टोखाका रामबाबु साहलाई टोखाबाट एउटा समूहले नियन्त्रणमा लिएको प्रहरीले जनाएको छ ।

भक्तपुरको लोकन्थलीमा रहेको एक घरमा बन्धक बनाएर उनीसँग २५ लाख रुपैयाँको चेक मागिएको घटना प्रहरीले थाहा पाउने वित्तिकै परिचालन भएको थियो । दिउँसो अपहरण भएको केही घण्टामै महानगरीय अपराध अनुसन्धान महाशाखाले साहको उद्दार गरेपछि घटना बाहिर आएको हो ।

उनलाई अपहरण गर्ने ७ जनालाई पक्राउ गरेर अनुसन्धान थालिएको महाशाखाका प्रमुख एसएसपी दीपक थापाले जानकारी दिए ।