सुजुकी बाईक र स्कुटी खरिदमा छुटैछुट

२ साउन, काठमाडौं । सुजुकी माेटरसाईकल तथा स्कुटरकाे नेपालका लागि आधिकारिक आयातकर्ता तथा वितरक भिजी अटाेमाेबाईल्स प्रालिले आफ्ना ग्राहकलाई मध्यनजर गर्दै काेराेना विशेष स्किमकाे घाेषणा गरेकाे छ।

बिगत ३ महिनाबाट लकडाउनले पारेकाे आर्थिक असरलाई केही सहज मिलाेस भन्ने हेतुले “उतारचढाव आईरहन्छ, सुजुकीकाे साथ रहिरहन्छ” भन्ने मुलनारा राखेर प्रत्येक माेटरसाईकल तथा स्कुटरकाे खरिदमा १५ हजार नगद छुट वा ० प्रतिशत ब्याजदरकाे स्किमकाे आह्वान गरेकाे हो । ग्राहकलाई १५ हजार नगद छुट वा ० प्रतिशत ब्याजदर मध्ये जुन ठिक लाग्छ त्याे छानेर लिन सकिने कम्पनीले जानकारी दिएको छ ।

कम्पनीले अगाडि सारेकाे स्किम यहि श्रावण १ गते देखि ३१ गतेसम्म नेपालभरका सम्पूर्ण शाखाहरुबाट प्राप्त गर्न सकिनेछ । एक्सचेञ्जमा समेत याे स्किम लागु गरिएकाे कम्पनीले जानकारी गराएको छ ।

सुजुकीका जिक्सर २५० सिरिज, जिक्सर १५० सिरिज, ईन्ट्रुडर तथा हयाते बाईक छन भने स्कुटरतर्फ बर्गम्यान, एक्सेस तथा लेट्स रहेका छन । १ बर्ष अगाडि मात्र नेपाली बजारमा बिक्री सुरु भएकाे जिक्सर भेरियन्ट युवा पुस्ताले निकै रुचाईएकाे बाईकमा पर्दछ भने बर्गम्यान म्याक्सि स्कुटर भएकै कारण पनि लाकप्रिय रहेकाे छ।