सुनसरीको सीमावर्ती क्षेत्रमा गोली चल्दा २ जना घाइते !

३ साउन, सुनसरी । शुक्रबार राति सुनसरीको सीमावर्ती क्षेत्रमा गोली चलेको छ। गोली लागेर २ जना गम्भिर घाइते भएका छन्। सुनसरीको हरिनगर गाउँपालिका ७ मा रहेको सशस्त्र प्रहरी बोर्डर आउट पोष्ट ‘बिओपी’का प्रहरीले चलाएको गोली लागेर एक युवा गम्भिर घाइते भएका छन् ।

तस्करहरुले प्रहरीमाथि ढुङ्गामुडा गरेको र हतियार खोस्न लाग्दा प्रहरीले प्रतिरक्षाका लागि गोली चलाएको बताइएको छ ।गोली लागेर १ जना प्रहरी जवान पनि घाइते भएका छन्। घाइते दुवै जनाका बीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ।

शुक्रबार राति भारतबाट आउँदै गरेको समूहलाई सशस्त्र प्रहरीले सोधपुछ गर्दा बाँस र ढुंगाले आक्रमण भएको थियो । सीमा सुरक्षामा खटिएका प्रहरी जवान जीवराम विशंखेमाथि तस्करको समूहले आक्रमण गर्दै हतियार खोस्न खोजेपछि गोली चलेको बताइएको छ । यसअघि, विहीबार राति पनि सुनसरीमा गोलि चलेको थियो।