भदौदेखि लामो दुरीका गाडी र स्कुल खुलाउने सरकारको निर्णय

६ साउन, काठमडाौं । सरकारले भदौदेखि लामो दूरीका गाडी चलाउन दिने निर्णय गरेको छ । सोमबार बसेको मन्त्रिपरिषद बैठकले भदौ १ गतेदेखि लामो दूरीका गाडी चलाउन दिने निर्णय गरेको जानकारी दिएका हुन् ।

यस्तै सरकारले साउन १५ देखि होटल–रेस्टुरेन्ट खोल्न दिने भएको छ । लामो समयदेखि ठप्प भएको व्यापार व्यवसाय अब विस्तारै खोल्न दिने निर्णय मन्त्रिपरिषद बैठकले गरेको सरकारका प्रवक्ता तथा अर्थमन्त्री युवराज खतिवडाले पत्रकार सम्मेलनमार्फत जानकारी दिए ।

होटल–रेस्टुरेन्ट खोलेपनि सामूहिक भोज, पार्टी र सेमिनार भने गर्न पाइने छैन् । यस्तै साउन १५ देखि ट्रेकिङ र ट्राभल व्यवसाय पनि खोल्न दिने मन्त्री खतिवडाको भनाई छ ।

यस्तै भदौ १ देखि रात्री बस चल्न दिने, आन्तरिक तथा बाह्य उडान पनि खोल्ने सञ्चार तथा सुचना प्रविधिमन्त्री समेत रहेका मन्त्री खतिवडाले जानकारी दिए । लकडाउनका कारण ठप्प बनेको शैक्षिक क्षेत्र भने झण्डै ६ महिनापछि खुल्ने भएका हुन् ।

तर अहिले पनि स्कुल, कलेज तथा विश्वविद्यालयको परीक्षा के हुने ? भन्ने बारे निर्णय भइसकेको छैन् ।