आजदेखि चोक चोकमा मापसे ‘चेकिङ’ !

७ साउन, काठमाडौं । लकडाउनका कारण रोकिएको मादक पदार्थ सेवन अर्थात मापसे जाँच फेरि शुरु भएको छ । बुधबार अर्थात आजदेखि मापसेको नियमित जाँच शुरु भएको महानगरीय ट्राफिक प्रहरी महाशाखाले जनाएको छ ।

महाशाखाका प्रमुख एसएसपी भिमप्रसाद ढकालले लकडाउन खुलेलगत्तै सडक जोखिम बढ्ने भन्दै नियमित मापसे जाँच शुरु गरिएको बताए । काठमाडौंमा कोरोना जोखिम बढेपछि चैत ७ गतेदेखि मापसे जाँच रोकिएको थियो ।

अब बेलुकाको समयमा चोक चोकमा फेरि ट्राफिकले गाडी रोकेर मापसे जाँच गर्नेछन् ।