राजविराज नगर क्षेत्रमा निषेधाज्ञा आदेश !

◊ धीरुभाइ

७  साउन, सप्तरी । जिल्ला सुरक्षा समिति सप्तरीले कोरोना भाइरस (कोभिड १९) संक्रमण तीब्र रुपमा फैलिएपछि राजविराज नगर क्षेत्रमा निषेधाज्ञा आदेश जारी गर्ने निर्णय गरेको छ ।  भोली बिहीबार बिहान ५ बजेदेखि लागू हुने गरी अर्को आदेश नहुन्जेलसम्म नगर क्षेत्रलाई निषेधित क्षेत्र तोकेर निषेधज्ञा आदेश जारी गरिने निर्णय भएको सप्तरीका प्रहरी उपरीक्षक कृष्ण प्रसाइँले बताए ।

समितिको बुधबार बसेको बैठकले राजविराज नगरपालिकामा समुदाय स्तरमा संक्रमण फैलिन नदिन नगर क्षेत्रभरी सो आदेश जारी गर्ने निर्णय भएको सहायक प्रमुख जिल्ला अधिकारी तथा सूचना अधिकारी जयकुमार घिमिरेले बताए । निषेधित क्षेत्रमा अत्यावश्यक काम बाहेकका सम्पुर्ण जावतजावत, सवारी साधन, पसल बन्द रहने उनले जानकारी दिए ।

गत १ राजविराज ६ निवासी ७३ वर्षीय एक प्रतिष्ठित व्यापारीको संक्रमणबार मृत्यु भएको थियो । उनकै सिधा सम्पर्कमा आएका उनको परिवारका पाँचै जनासतिह अन्य मानिस, ती मानिसका पारिवारिक सदस्य, छरछिमेकमा संक्रमण पुष्टि भएपछि राजविराज नगरपालिकाको आग्रहमा निषेधाज्ञा जारी गरिने निर्णय भएको उनले बताए ।