पूर्वडीआईजी कोइरालाविरुद्ध सर्वोच्च जादैँ महान्यायाधिवक्ता कार्यालय

८ साउन, काठमाडौं । श्रीमती हत्या गरेर जेल गएका पूर्वडीआईजी रञ्जन कोइरालाविरुद्ध महान्यायाधिवक्ता कार्यालय फेरि सर्वोच्च जाने भएको छ । ८ वर्ष जेल बसेर विहीबार रिहा भएका रञ्जन कोइरालालाई सजाय छुट दिने सर्वोच्च अदालतको फैसलाविरुद्ध महान्यायाधिवक्ताको कार्यालय फेरि पुनरावलोकनका लागि सर्वोच्च जाने तयारी गरेको हो ।

बिहीबार बसेको महान्यायाधिवक्ता कार्यालयको बैठकले फैसला पुनरावलोकनका लागि सर्वोच्चमा निवेदन दिने निर्णय गरेको हो । सरकारी वकिलहरु फैसलाको न्यायिक पुनरावलोकनको माग गर्दै सर्वोच्च अदालतमा बहस गर्नेछन् ।

प्रधानन्यायाधीश चाेलेन्द्रशमसेर जबरा र न्यायाधीश तेजबहादुर केसीको संयुक्त इजलासले सशस्त्र प्रहरीका पूर्वडीआईजी कोइरालालाई यसअघिको सर्वस्वसहित जन्मकैदको फैसला उल्ट्याई आठ वर्ष सजाय कायम गरेपछि चौतर्फी यसको आलोचना भएकाे छ । रञ्जन २० बर्ष जेल बस्नुपर्ने भएपनि सर्वोच्चले ११ बर्ष कैद मिनाहा गरेको थियो ।

सर्वोच्‍च अदालतको फैसला चित्त नबुझे पुनरावलोकनमा जाने व्यवस्था रहेकै कारण महान्यायाधिवक्ताको कार्यालयले यस विषयलाई पुनरावलोकन गर्ने भएको हो । यस्तै प्रेमिका तारा रेग्मी पूर्वडीआईजी रञ्जनलाई लिन कार लिएर डिल्लीबजार पुगेकी थिइन् ।

यो पनि पढ्नुहोस