जवानको कुटाईबाट युवकको मृत्यु भएपछि सेनाद्धारा छानबिन शुरु

९ साउन, काठमाडौँ । नेपाली सेनाका जवानको कुटाईबाट चितवन राष्ट्रिय निकुञ्जमा एक युवकको मृत्यु भएपछि छानबिन शुरु भएको छ । शुक्रबार नेपाली सेनाले विज्ञप्ति जारी गर्दै चितवनको घटनामाथि छानबिन शुरु भएको जनाएको हो ।

नेपाली सेनाले आफ्नो आन्तरिक छानबिन सुरु गरिसकेको र अधिकारप्राप्त सरकारी निकायहरुले गरिरहेको विस्तृत छानबिनमा पूर्ण सहयोग गर्ने पनि विज्ञप्तीमा उल्लेख गरेको छ ।

चितवन राष्ट्रिय निकुन्जमा न्युरो टिप्न गएका राजकुमार चेपाङको सेनाको कुटाईबाट ज्यान गएको थियो । हिजो उनको सेनाकै कुटाईबाट भरतपुर अस्पतालमा मृत्यु भएपछि सञ्चारमाध्यममा समाचार आएपछि सेनाले छानबिन अगाडी बढाएको हो ।