यी हुन पवित्रा कार्कीमाथि एसिड छ्याप्ने युवा

९ साउन, काठमाडौं । बिहीबार सम्साझै काठमाडौंको सीतापाइलामा २२ वर्षीया युवतीमाथि एसिड छ्याप्ने दुई जना पक्राउ परेका छन । ओखलढुंगा घर भई काठमाडौँ सीतापाइला बस्ने पवित्रा कार्कीलाई एसिड प्रहार गर्ने दुई जनालाई प्रहरीले सार्वजनिक गरेको हो ।

काठमाडौं प्रहरी परिसर र महानगरीय अपराध अनुसन्धान महाशाखाले टेकुमा संयुक्त पत्रकार सम्मेलन गरेर एसिड छ्याप्ने रौतहटको लक्ष्मीपुर घर भइ हाल डल्लु बस्ने मोहम्मद आलम र भारत घर भई डल्लुमा कालीगढको काम गर्ने मुन्ना मोहम्मदलाई सार्वजनिक गरेको हो ।

उनीहरुलाई बिहीबार राति ११ बजे डल्लुबाट पक्राउ गरिएको हो । कार्कीले अर्कै केटालाई मन पराएको थाहा पाएपछि मोहम्मदले उनलाई एसिड हान्ने योजना बनाएको खुलेको छ । उनले आफूले एसिड प्रहार गर्दा चिन्ने हुनाले कामदार मुन्नालाई प्रयोग गरेर ट्वाइलेट–बाथरुम सफा गर्ने एसिड प्रहार गरेको अनुसन्धानबाट खुलेको छ ।