मौवाखोला पूलबाट साना गाडी चल्न थाले (भिडियोसहित)

९ साउन, धादिङ । पृथ्वी राजमार्ग अन्तर्गत धादिङको मौवाखोला पूलबाट साना गाडी चल्न थालेका छन । झण्डै तीन दिनपछि पुलको ग्याबीन भरेर साना गाडी चल्न सक्ने बनाइएको हो ।

जिल्ला प्रहरी कार्यालय धादिङका अनुसार बिहान ग्याबीन भरेर मोटरसाइकल तथा कार लगायतका साना गाडी चल्न सक्ने बनाइएको हो । बाटो बनेपपछि अस्तिदेखि रोकिएका साना गाडी पास गराइएको छ । ठूला बस तथा ट्रक हिड्ने बनाउनका लागिग अझै केही दिन लाग्ने प्रहरीले जनाएको छ ।

अस्ति गएको पहिरोले पुलको छेउको बाटो भत्किएको थियो । बाटोसँगै खोलानजिक रहेका केही टिप्पर, स्काभेटर पनि खोलाले बगाएको थियो ।

(जिल्ला प्रहरी कार्यालय धादिङले सार्वजनिक गरेको यो भिडियो पत्रकार सरिता श्रेष्ठको टाइमलाइनबाट लिइएको हो)