साउन १६ गते एनआरएन इन्फ्रास्टक्चरको आईपीओ आउँदै

९ साउन, काठमाडौं । एनआरएन इन्फ्रास्टक्चर एन्ड डेभलपमेन्ट लिमिटेडले सर्वसाधारणलाई साउन १६ गतेदेखि प्राथमिक शेयर ‘आईपीओ’ निष्कासन गर्ने भएको छ ।

कम्पनीले ३३ करोड ९८ लाख रुपैयाँ बराबरको ३३ लाख ९८ हजार कित्ता आईपीओ निष्कासन गर्न लागेको हो । आईपीओ निष्कासन बन्द छिटोमा साउन २१ र ढिलोमा भदौ ३ गतेसम्म तोएिको निष्कासन तथा बिक्री प्रवन्धक सानिमा क्यापिटल लिमिटेडले जनाएको छ ।

आईपीओका लागि न्युनतम १० देखि अधिकतम ३१ लाख ६० हजार १८० कित्तासम्म आवेदन दिन पाइने छ ।
आईपीओ निष्कासनपछि कम्पनीको चुक्तापुँजी बढेर १ अर्ब १३ करोड २६ लाख रुपैयाँ पुग्ने छ । कम्पनीले विभिन्न जलविद्युत आयोजनाहरुमा शेयर लगानी गरिरहेको छ ।