हुण्डी कारोबारमा सलंग्न कपडा व्यापारी ढुण्डिराज पक्राउ

९ साउन, काठमाडौं । हुण्डीमार्फत कारोबार गरेर राजस्व छली गर्ने एक जनालाई प्रहरीले पक्राउ गरेको छ । महानगरीय प्रहरी अपराध महाशाखाले गोप्य सुचनाका आधारमा हुण्डी कारोबारमा सलंग्न स्याङ्जा कालिगण्डकी गाउँपालिका ५ तापका ४० बर्षीय ढुण्डिराज न्यौपानेलाई पक्राउ गरेको हो ।

उनको साथबाट १९ लाख ९१ हजार रुपैयाँ पनि बरामद गरिएको महाशाखाले जनाएको छ । काठमाडौं उपत्यकाभित्र गैरकानुनी तवरले हुण्डीको कारोवार गरी राजश्वी छली गरिरहेका भन्ने गोप्य सूचनाको आधारमा उपत्यकाका विभिन्न स्थानहरुमा चेकजाँच गर्ने क्रममा विशाल बजारबाट न्यौपाने पक्राउ परेका हुन् ।

उनी गण्डकी इन्टरप्राइजेज न्युरोडका सञ्चालक तथा कपडा व्यवसायी रहेको पनि प्रहरीको भनाई छ । उनलाई थप अनुसन्धान तथा कारवाहीको लागि राजश्व् अनुसन्धान विभाग हरिहर भवन पुल्चोक ललितपुर पठाइएको पनि प्रहरीले जनाएको छ ।