पहिरोले गुल्मीको रिडी–रुद्रवेणी सडक अवरुद्ध, यात्रु ३ दिनदेखि अलपत्र !

१२ साउन, गुल्मी । पहिरोले गर्दा गुल्मीको रिडी–रुद्रवेणी–वामी टक्सार सडकखण्ड अवरुद्ध भएको छ । रुरुक्षेत्र गाउँपालिका वडानम्बर–१ को कालिगण्डकी करिडोर अन्तर्गत खोपामा शनिबार चट्टानसहित पहिरो खसेपछि सडक अवरुद्ध भएको हो ।

जिल्ला ट्राफिक कार्यालय गुल्मीका अनुसार पहिरो हटाउन शुरु गरिएपनि बर्षाले गर्दा समस्या भएको छ । सडक अवरुद्ध भएपछि गाडी चढेका यात्रु तीन दिनदेखि अलपत्र छन् । आजको भोलि नै पहिरो हटाउन सहज नभएको पनि ट्राफिक प्रहरी कार्यालयको भनाई छ ।

यद्यपी पहिरो हटाउने काम भइरहेकाले केही दिनमा बाटो खुल्ने पनि ट्राफिक प्रहरी कार्यालयले जनाएको छ ।