सभामुखका अगुवा प्रहरी चालकलाई कोरोना संक्रमण

१७ असार, काठमाडौं । सभामुख अग्नि सापकोटाका सुरक्षाकर्मीलाई कोरोना भाइरस संक्रमण भएको छ । सभामुख सापकोटाका अगुवा गाडी चालक प्रहरीलाई संक्रमण पुष्टि भएको हो ।

प्रहरी हेडक्वार्टरका सुरक्षाकर्मीमा कोरोना देखिएपछि सभामुखका अंगरक्षक तथा अगुवा पछुवामा पनि कोरोना परीक्षण गरिएको थियो । जसमध्ये एक जनामा संक्रमण पुष्टि भएको हो । एक जनामा संक्रमण देखिएपछि अरुको पनि परीक्षण थालिएको छ ।

रिर्पोट आउन भने बाँकी छ । प्रहरी हेडक्वार्टरका ७० जना बढी प्रहरीलाई संक्रमण पुष्टि भइसकेको छ । हेडक्वार्टरका प्रहरीलाई संक्रमण देखिएपछि अरुलाई पनि जोखिम बढेको छ ।