भोलिदेखि जोरविजोर प्रणाली लागु, राती ९ बजेदेखि हिडडुलमा रोक !

२१ साउन, काठमाडौं । कोरोना भाइरसको संक्रमण बढेपछि सरकारले भोलिदेखि जोरविजोर प्रणाली लागू गरेको छ । जोखिम न्युनिकरणका लागि सरकारले भोलिदेखि नै जोरविजोर प्रणाली लागु गर्ने निर्णय गरेको हो । राती भने हिडडुल गर्न रोक लगाइएको छ ।

मन्त्रिपरिषद्को सोमबार बसेको बैठकले यातायातका साधनमा जोरबिजोर प्रणाली लागू गर्ने निर्णय गरेको हो । सरकारले लकडाउन खोलेर अवस्थालाई सामान्यीकरण गर्न खोजिरहेको बेला संक्रमितको संख्या बढ्न थालेपछि फेरि यातायातमा जोरबिजोर प्रणाली लागू गर्ने निर्णय भएको हो ।

यसअघि सरकारले २६ असारबाट निजी सवारी साधनको जोर विजोर हटाएको थियो । सरकारले साउन ९ गतेमध्यरातदेखि लागू हुनेगरी लकडाउन हटाएको थियो ।