कपुरधाराबाट डेढ लाखसहित १० जुवाडे पक्राउ

२२ साउन, काठमाडौं । कपुरधाराबाट जुवातास खेलिरहेको अवस्थामा डेढ लाख बढी रुपैयाँसहित प्रहरीले १० जनालाई पक्राउ गरेको छ ।  काठमाडौं महानगरपालिका २६ कपुरधारा मोहन गल्लीस्थित शम्भु थापाको घरमा तास खेलिरहेको अवस्थामा थापा र सोही ठाउँ बस्ने गोरखाका ४२ वर्षीय तोपबहादुर गुरुङसहित १० जनालाई नगद १ लाख ८५ हजार ९ सय ४० रुपैयाँर ६ बुक तास सहित बुधबार दिउँसो प्रहरीले पक्राउ गरेको हो।

विशेष सूचनाको आधारमा महानगरीय प्रहरी वृत्त लैनचौरबाट खटिएको प्रहरीले उनीहरुलाई पक्राउ गरेको केन्द्रीय प्रहरी समाचार कक्षले जनाएको छ। यस सम्बन्धमा थप अनुसन्धान भइरहेको जनाइएको छ।