एनएलजी इन्स्योरेन्सको ७ प्रतिशत बोनस घोषणा

२५ साउन, काठमाडौं । एनएलजी इन्स्योरेन्स कम्पनीको ३०५ औं बैठकलेले आर्थिक वर्ष २०७५/७६ को मुनाफाबाट ७ प्रतिशत बोनस शेयर वितरण गर्ने घोषणा गरेको छ । साउन २३ गते शुक्रबार साँझ ६ः३० बजे बसेको इन्स्योरेन्सको सञ्चालक समितिको बैठकले सो निर्णय गरेको हो ।

कम्पनीले बीमा समितिबाट जारी निर्जिवन बिमकको वित्तिय विवरण सम्बन्धी निर्देशन बमोजिम वित्तिय विवरण तयार पारेको जनाएको छ । इन्स्योरेन्सले हकप्रद लिलाम गरेपछि हुन आउने चुक्ता पुँजी रु. १ अर्ब २ करोड ४६ लाख ५० हजार (रु. १,०२,४६,५०,०००) को ७ प्रतिशतले हुन आउने रकम रु ७ करोड १७ लाख २५ हजार ५०० रुपैयाँ (रु. ७,१७,२५,५००) बराबरको बोनस शेयर जारी गर्ने भएको हो ।

उक्त प्रस्तावित बोनस शेयरमा लाग्ने कर रकम (०.३७ प्रतिशत) रु. ३७,७५,०२६/– नगद लाभाशंबाट नै समायोजन गर्ने कम्पनी सचिव मनोज श्रेष्ठले जारी गरेको विज्ञप्तिमा जनाइएको छ ।