एनआईसी एशिया ग्रोथ फण्ड र ब्यालेन्स फण्डको लाभांश घोषणा

२७ साउन, काठमाडौं । एनआईसी एशिया क्यापिटलले संचालन गरेको एनआईसी एशिया ग्रोथ फण्ड र ब्यालेन्स्ड फण्डको लाभांश घोषणा भएको छ। एनआईसी एशिया ग्रोथ फण्डका इकाईधनीहरुलाई कर सहित १२ प्रतिशत र दोश्रो योजना एनआईसी एशिया ब्यालेन्स्ड फण्डका इकाईधनीहरुलाई कर सहित ८ प्रतिशतका दरले लाभांश वितरण गर्ने जनाइएको छ ।

कम्पनी सञ्चालक समितिको गत साउन २६ मा सम्पन्न ७५ औं बैठकले आर्थिक वर्ष २०७६/७७ का लागि एनआईसी एशिया ग्रोथ फण्डका इकाईधनीलाई १२ प्रतिशत अर्थात १० करोड २ लाख २४ हजार रुपैयाँ र एनआईसी एशिया ब्यालेन्स फण्डका इकाईधनीहरुलाई ८ प्रतिशत ६ करोड ४ लाख नगद लाभांश वितरण गर्ने जनाएको छ ।