नेप्सेको वेभसाइटमा आज पनि समस्या, किन सुध्रिँदैन सिस्टम ?

२८ साउन, काठमाडौं । नेपाल स्टक एक्सचेञ्जको वेभसाइटमा आज पनि समस्या देखिएको छ । पटक–पटक कारोबार समयमा होस् वा कारोबार समय अघि र पछि होस्, नेप्सेकाे सिस्टममा आउने समस्या सामान्य बनेकाे छ । नेप्सेमा समस्या आयाे नि ? भनेर कसैले साेध्याे भने, कर्मचारीकाे जवाफ हुन्छ :- “याे सिस्टम हाे । कहिले कहीँ समस्या आउँछ ।”

नेप्सेकाे वेभसाइटमा यसअघि पनि धेरै समस्याहरु आइरहने गरेको कुरा सबैकाे जानकारीमा छ । आज पनि वेभसाइटमा आएको समस्याबारे आईटी सेक्सनका एक महिला कर्मचारीले समस्या आएको तर वास्तविक समस्या भने बताउन नमिल्ले जानकारी नेपालबहस डटकमलाई दिइन् । उनले आधिकारिक सुचना नेप्सेका सुचना अधिकारीसँग माग्न सुझाव दिइन् ।

नेप्सेसँग सराेकार राख्नेले गर्ने साझा प्रश्न बनेकाे छ, नेप्सेकाे सिस्टममा बारम्बार आउने समस्या के हाे ? किन सुध्रिँदैन सिस्टम ?  नेपाल स्टक एक्सचेञ्ज जतिकाे संस्थामा पनि हरेक पटक समस्या आउनु र त्यसकाे स्थायी समाधान नखाेजिनुलाई सामान्य विषय बनाउन नहुने सराेकारवालाकाे धारणा रहेकाे छ ।