टेम्पुसहित १ लाख मूल्य बराबरको सामान बरामद

२८ साउन, सुनसरी । अवैध रुपमा भारतबाट भन्सार छलि ल्याउँदै गरेको करिब १ लाख २० हजार ७ सय ५० रुपैयाँ मूल्य बराबरको यूरिया मल र खैनी प्रहरीले बरामद गरेको छ ।

विशेष सूचनाको आधारमा जिल्ला प्रहरी कार्यालय सुनसरी तथा मातहत कार्यालयबाट खटिएको प्रहरीले को.२ ह ३२८३ नम्बरको टेम्पुसहित उक्त सामान बरामद गरेको हो ।

बरामद सामान आवश्यक कारवाहीको लागि बुधबार सेतुवन्ध सुनसरी भन्सार कार्यालय कोशीव्यारेज पठाइएको जिल्ला प्रहरी कार्यालय सुनसरीले जनाएको छ ।