नेशनल लाईफको १७.५ प्रतिशत बोनस तथा लाभांश घोषणा

३२ साउन, काठमाडौं  नेशलन लाईफ इन्स्योरेन्सले यस वर्षको मुनाफाबाट १७.५ प्रतिशतको दरले नगद लाभांश तथा बोनस लगानी कर्तालाई  दिने घोषण गरेको छ । गत आर्थिक वर्षको चौथो त्रैमाससम्म आइपुग्दा इन्सुरेन्सको मुनाफा बढेको छ । यसअवधिमा मुनाफा १६.३२ प्रतिशतले ले बढेर ३९ करोड १२ लाख २९ हजार रुपैयाँ पुगेको छ । अघिल्लो वर्ष यसले ३३ करोड ६३ लाख ३८ हजार रुपैयाँ नाफा कमाएको थियो । यसअवधिमा खुद बिमा शुल्क पनि १६्.८४ प्रतिशतले ले बढेर ९ अर्ब ११ करोड ४० लाख ७९ हजार रुपैयाँ पुगेको छ । अघिल्लो वर्ष यसले ७ अर्ब ८० करोड २ लाख ४६ हजार रुपैयाँमात्रै खुद बीमा शुल्क आर्जन गरेको थियो ।

असार मसान्तसम्म आइपुग्दा यस कम्पनीले कुल २ अर्ब ८५ करोड ८६ लाख ८८ हजार रुपैयाँ दाबी भुक्तानी गरेको छ । दाबी भुक्तानी हुन बाँकी रकम ३८ करोड ११ लाख ८ हजार रुपैयाँ रहेको छ । यसअवधिमा प्रतिसेयर आम्दानी १६ रुपैयाँ ९२ पैसा र प्रतिसेयर नेटवर्थ १३३ रुपैयाँ ६१ पैसा रहेको छ । अघिल्लो वर्ष २७ अर्ब १९ करोड ८ लाख ३२ हजार रुपैयाँ रहेको जीवन बीमा कोषको आकार असार मसान्तसम्ममा ३३ अर्ब ७२ करोड १६ लाख १० हजार रुपैयाँ पुगेको छ । चौथो त्रैमाससम्म आइपुग्दा ३ अर्ब ८ करोड २६ लाख २६ हजार चुक्ता पुँजी रहेको नेसनल लाइफको जगेडा कोषमा १ अर्ब ३ करोड ६१ लख ८१ हजार रुपैयाँ छ ।