आजबाट ग्रामीण विकास लघुवित्तमा पाँच सदस्य संचालक समिति रहने

३२ साउन, काठमाडौं । गत साउन २७ गते संचालक समितिको बैठक बारे नेपाल स्टक एक्सचेन्ज (नेप्से) लाई चार जना संचालक रहेको पत्र पठाएको ग्रामीण विकास लघुवित्त वित्तिय संस्था लिमिटेडले आज पुनः पाँच जना संचालक समिति रहेको जानकारी सहितको पत्र पठाएको छ । बुटवलमा प्रधान कार्यालय रहेको ग्रामीण विकास लघुवित्त वित्तीय संस्थाले आजबाट लागू हुनेगरी अध्यक्षसहित पाँच जना संचालक समिति सदस्य रहनेबारे नेप्सेलाई जानकारी गराएको छ ।

साथै साविक पूर्वाञ्चल ग्रामीण विकास बैंक लि. को आ.व. २०६५/०६६ र साविक पश्चिमाञ्चल ग्रामीण विकास बैंक लि. को आ.व. २०६८/०६९ र २०६९/०७० को नगद लाभांश लिन बाँकी शेयरधनीहरूलाई जतिसक्दो चाँडो लाभांश लिन अनुरोध गरेको छ । लघुवित्तले हालसम्म पनि बुझिलिन बाँकी रहेकोले उक्त नगद लाभांश भुक्तानी नलिएका शेयरधनीहरूलाई आफ्नो शेयर प्रमाणपत्रका साथ आफ्नो कुनै परिचयपत्र लिई ग्रामिण विकास लघुवित्तको कार्यालयमा स्वयम् उपस्थित् भई नगद लाभांश बुझिलिन आग्रह गरेको छ ।