घरायसी तथा मृत्युपछिको नामसारी अनिश्चितकालका लागि बन्द

३२ साउन, काठमाडौं । कोरोना भाईरसका कारण केन्द्रीय निक्षेप प्रणाली (सीडीएससी) ले घरायसी तथा मृत्युपछिको नामसारी अनिश्चितकालको लागि बन्द गरेको छ । कोभीडको कारण उक्त सेवा अर्को सूचना जारी नभएसम्मका लागि राेकिएकाे हाे ।

कोभीड–१९ विश्वभर फैलिरहेको र नेपालमा पनि यसको जोखिम उच्च रुपमा बढिरहेकोले त्यसलाई नियन्त्रण गर्न नेपाल सरकारले अत्यावश्यक बाहेकका काम गर्न रोक लगाएको उल्लेख गर्दै जोखिम न्यूनीकरण गर्न नामसारीमा रोक लगाइएको सीडीएससीका का.मु प्रमुख कार्यकारी अधिकृत कन्चन सापकोटाले जनाएका छन् ।